明仔載｜為閩南語，簡單來說有「明天」的意思
《明仔載》是廣仲寫給他「兩個」呀嬤的歌。為什麼是兩個呢？一個是現實中已離世的呀嬤，另一個是台劇《花甲男孩轉大人》裹的呀嬤。
明仔載為閩南語，簡單來說有「明天」的意思。一開始聽到這首歌時第一個感覺是很悲傷但又很有力量的歌，彈奏時都盡量想表達到這個感覺。事後看廣仲在訪問中提到：「劇中，花甲希望阿嬤明天就能醒來、家族爭吵明天就會和好；劇外，明天好像代表著很多期待。有時候，今天過得不好，希望明天可以怎麼樣，「明仔載」是一個很好的名字，它好到能變成一個「短左右銘」。」看來是比我想像中有希望的歌。
婆婆｜大概是我在她心目中永遠都是小孩
有次廣仲在演唱會簡單介紹這首歌時說：「因為有某個人，所以我會很努力。」我很快便想起我婆婆。今年年初回鄉探婆婆時，一件事很深刻。每次臨走時我婆婆總會塞錢給我，由細到大都會，大概是我在她心目中永遠都是小孩。我當時跟她說：「不用啦，你留來買野食，應該係我俾你至岩，下次你出黎香港，我請你飲茶呀。」婆婆聽完之後眼濕濕。
其實近年回鄉的感覺和小時候的感覺很不同。以前大家都窮，過年時真係會傾計、會玩、會關心大家、想大家好。相反只係靠政府徵收土地而變得有錢既佢地，慢慢只係會曬命，任何野都講錢、講面子、講飲講食。甚至有人講話好彩冇俾佢個仔黎香港讀書。我聽完心諗你個仔邊讀到…我想講既係，當時我完全冇諗過我婆婆會喊，事後我諗左好耐，會唔會因為聽得太多功利說話，突然聽到人話所以會有呢個反應。
而點解我好愛我婆婆呢，因為佢係真係純粹想我好既人（我成日偷偷覺得佢最錫我的）。有些瑣碎的事我仲好有印像，例如小學時我婆婆去粉嶺中心買蛋糕，但居然迷路，結果行左成個鐘。又記得細個唔肯行路時，佢話隻腳要黎做咩嫁？我話行路，跟住就真係乖乖地行。依家佢都90歲了，成日聽到佢話腰痛腳痛，間唔中會唔記得我個名。以前佢好厲害，一個人出黎香港完全無問題，依家已經好難。
大家又有冇諗起某個人，無論佢仲起唔起你身邊，你都會為左佢繼續努力，期待明天呢？
