人群裡為人群顧慮｜如果長大係無可避免
剛剛想編寫一首暖調柔和的 D Key 作品，在八號風球下，花了一晚通頂完成了（似乎每次打風都同自己過唔去……）。喜歡呢首歌嘅原因，係因為佢描述關於 Sammi 背後嘅真實故事。再細看香港發生嘅事，更感受得到歌詞嗰份掙扎，深刻而真實、唏墟而無力。
人群裡為人群顧慮 逃離總有逃離空虛
時而走近時而遠去 誰散與聚 都居於心裡…
大是大非之際，無論你幾想置身事外，似乎都冇辦法可以逃離。其實不妨換個角度諗：小朋友長高，骨頭會痛會發燒；舉鐵變大隻之前，肌肉會酸會撕裂。每一次進步，都係汗水和淚水換來，是世界自古不變的真理。
如果長大係無可避免，那這份痛，來讓我哋一齊面對。
PS. 不枉在橫風橫雨下去 Studio 取回《十里桃花》，比起錄《蒲公英的約定》，今次更能代表那份柔，我都好耐冇試過錄鋼線好似錄魚絲結他咁。
