Photo Credit to Editor's Friend
小編想分享一件趣聞，有人問，「咦？乜 Rb 唔係五個人架咩？」Oh what？！都唔可以話佢錯嘅，Rb 曾經係五個人，但係藝琛係 2010 年嘅時候已經離左隊，變左四個大叔好耐了哈哈，同埋依家佢地已經係一隊自負盈虧嘅獨立樂隊，無唱片公司架。
下面五首歌都係繼續無私心嘅排序。
6. Simple Love Song
呢首歌嘅歌詞係非常之洗腦，配樂旋律又易記，呢首歌編曲好特別（阿正好波），首歌係利用左 D base 進行唔同變位和弦，用一線 Open string Fingering 製造層次，中間亦用左大量 maj7 ，令首歌滲透一股 Light Jazz 的味道。我非常之建議大家解鎖完整樂譜！！咁好聽的歌不能只有我聽到！！
Woo~I can’t write simple love song , just can’t write simple love song.
7. 心照一生
人在江湖，身不由己。兄弟—情同手足，有福同享，有難同當。小編覺得人生如果可以遇到幾個知心好友好兄弟，真係要好好珍惜，陪你玩陪你呻陪你癲仲可以陪你到老，不枉此生添啦。
8.睜開眼
一開始聽到呢首歌嘅時候我以為呢首歌係近呢幾年寫，但望下佢地首歌嘅發布日期－2012年。唔…果然係活左幾十年嘅大叔，將世事都看透。不過小編相信「裝睡的人，你永遠叫不醒」，話哂都已經咁多年啦。呢首歌詞顯淺易明，我諗我唔需要再多講啦。
拿拿聲，去譜啦！
9. 逆流之歌
男人們，你有幾耐無試過好好咁熱血一番？至從離開咗學校踏入社會之後，好多時候都會被工作磨蝕自己嘅鬥志。但係最重要嘅係，你，到底有無勇氣搵到真正屬於你嘅出口？「女人，錢，呢啲其實都好表面，最緊要嘅，係尊嚴。」
大家一齊跟住份譜嘅節奏熱血搖滾吧！
10. 漫長
人生流流長，總不會一帆風順，總會遇到不幸事、好荒謬嘅事，我地控制唔到件事會唔會發生/會點樣發生，攰咪去抖下囉，就算係聖人都會做錯，機器都可以壞，人自然亦會攰。大家可以做嘅就係鬥！長！命！個人無事先做到世界冠軍架嘛！
趁仲有手有腳行得跑得跳得嘅時候，要彈多啲好聽嘅歌，比耳朵享受下啦！